ചാഴൂർ: കോലോം വളവിൽ വാഹനമിടിച്ച് മതിൽ തകർന്നു. പുത്തൂർ വർക്കിയുടെ മതിലാണ് തകർന്നത്. ഇന്ന് പുലർച്ചെയാണ് അപകടം. വലിയ ശബ്ദം കേട്ട് പരിസരവാസികൾ എത്തുമ്പോഴേക്കും വാഹനം ഓടിച്ചു പോകുകയായിരുന്നു. വീട്ടുടമ നൽകിയ പരാതിയേ തുടർന്ന് അന്തിക്കാട് പൊലീസ് അന്വേഷണം ആരംഭിച്ചു.
കോലോംവളവിൽ സിഗ്നലുകളും റിഫ്ലക്ടറുകളും സ്ഥാപിച്ചിട്ടും അപകടം ആവർത്തിക്കുന്ന സാഹചര്യത്തിൽ വളവിന് പടിഞ്ഞാറ് ഭാഗത്ത് ഹംപ് ഉണ്ടാക്കണമെന്നും അപകടമുണ്ടാക്കി നിർത്താതെ പോകുന്ന ഡ്രൈവർമാരുടെ ലൈസൻസ് സസ്പെൻ്റ് ചെയ്യുന്നതുൾപ്പടെയുള്ള നടപടി സ്വീകരിക്കണമെന്നും ആവശ്യമുയർന്നു.
