അന്തിക്കാട് : അന്തിക്കാട് വടക്കേക്കര ക്ഷേത്രവാദ്യ കലാസമിതിയുടെ ഈ വർഷത്തെ (2024) കെ.പി. ദാമോദരൻ സ്മാരക താളവാദ്യ കലാനിധി പുരസ്കാരം പ്രശസ്ത ഇലത്താള വാദകൻ പെരുവനം മുരളി പിഷാരോടിക്ക് സമ്മാനിക്കും.
വടക്കേക്കര ക്ഷേത്രോത്സവത്തോടനുബന്ധിച്ച് ഏപ്രിൽ 1 തിങ്കളാഴ്ച വൈകീട്ട് 6.30 ന് രാഷ്ട്രീയ – സാമൂഹ്യ- സാംസ്ക്കാരിക രംഗത്തെ പ്രഭത്ഭർ പങ്കെടുക്കുന്ന ചടങ്ങിൽ പുരസ്കാരം സമ്മാനിക്കും. 5001 രൂപയുടെ ക്യാഷ് അവാർഡ്, ഉപഹാരം, പ്രശസ്തിപത്രം, പൊന്നാട എന്നിവയടങ്ങുന്നതാണ് പുരസ്കാരം.
