തൃശൂർ: തൃശൂർ നഗരത്തിൽ വീണ്ടും ബസ് ആളുടെ ദേഹത്ത് കൂടി കയറിയിറങ്ങി അപകടം. പടിഞ്ഞാറെകോട്ടയിലാണ് അപകടം. വൈകീട്ട് ഒമ്പതേകാ ലോടെയാണ് അപകടം. ഗുരുതരമായി പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചു. ആളെ തിരിച്ചറിഞ്ഞിട്ടില്ല.
കാൽനട യാത്രികനാണ് അപകടത്തിൽപ്പെട്ടത്. ഇക്കഴിഞ്ഞ വെള്ളിയാഴ്ച രാവിലെ സ്വരാജ് റൗണ്ടിൽ ബസ് ശരീരത്തിൽകൂടി കയറിയിറങ്ങി വീട്ടമ്മ മരിച്ചിരുന്നു. ചിയ്യാരം ഓരിപ്പറമ്പിൽ പരേതനായ സുരേന്ദ്രൻ ഭാര്യ ഗ്രേസി ( 52) ആണ് കഴിഞ്ഞ ദിവസം മരിച്ചത്. ഇവരുടെ സംസ്കാരം ഇന്ന് വൈകീട്ടാണ് നടന്നത്. പിന്നാലെയാണ് സമാന അപകടം വീണ്ടും തൃശൂർ നഗരത്തിൽ തന്നെയുണ്ടാകുന്നത്.
