അരിമ്പൂർ: വെളുത്തൂർ നമ്പോർക്കാവ് ഭഗവതി ക്ഷേത്രത്തിലെ മേട ഭരണി – കാർത്തിക വേല ആഘോഷത്തിന് കൊടിയേറി. തന്ത്രി പഴങ്ങാം പറമ്പ് കൃഷ്ണൻ നമ്പൂതിരി കൊടിയേറ്റം നിർവഹിച്ചു.. ദേവസ്വം പ്രസിഡൻ്റ് കെ. രാമചന്ദ്രൻ, പി. കൃഷ്ണൻകുട്ടി നായർ, ഗോപി അറയ്ക്കൽ, വൈശാഖ് എന്നിവർ നേതൃത്വം നൽകി.
എട്ടിന് ഭരണി വേലയും 9 ന് കാർത്തിക വേലയും ആഘോഷിക്കും. 8 ന് രാവിലെ 7ന് സോപാന സംഗീതം, 12.30 ന് പഞ്ചവാദ്യത്തോടെ വലിയ പാണികൊട്ടി ഭഗവതിയെ പുറത്തേയ്ക്ക് എഴുന്നള്ളിയ്ക്കും. 4 ന് മേളത്തോടെ തിരിച്ചെഴുന്നള്ളിപ്പ്, 7 ന് വർണ്ണ മഴ, 7.30 ന് ഗാനമേള, 10 ന് ട്രിപ്പിൾ തായമ്പക, ഒന്നിന് രാത്രി വേല എഴുന്നള്ളിപ്പ്, തുടർന്ന് കാർത്തിക വേലയുടെ ഭാഗമായി അനുഷ്ഠാന കലാ രൂപങ്ങളുടെ എഴുന്നള്ളിപ്പ്, വൈകീട്ട് 5 ന് കാവ് തീണ്ടൽ എന്നിവ നടക്കും.
