കൊടുങ്ങല്ലൂർ: സ്വകാര്യ ബസിടിച്ച് മരിച്ച സ്കൂട്ടർ യാത്രക്കാരനെ തിരിച്ചറിഞ്ഞു. റിട്ടയേർഡ് എസ്.ഐ കൊടുങ്ങല്ലൂരിൽ വാടകക്ക് താമസിക്കുന്ന കൊല്ലം സ്വദേശി ശ്രീകുമാറാണ് മരിച്ചത്. കൊടുങ്ങല്ലൂർ സ്റ്റേഷനിൽ നിന്നും 2018 ൽ റിട്ടയേർഡ് ചെയ്ത എസ്ഐ ആണ് ശ്രീകുമാർ.
ദേശീയപാത 66 ൽ കോതപറമ്പ് സെൻ്ററിന് സമീപം ഇന്ന് രാവിലെ പത്തരയോടെയായിരുന്നു. അപകടം.
കൊടുങ്ങല്ലൂർ – ഗുരുവായൂർ റൂട്ടിൽ സർവ്വീസ് നടത്തുന്ന നാലുമാക്കൽ ബസാണ് അപകടത്തിനിടയാക്കിയത്.
വടക്കുഭാഗത്തേക്ക് പോകുകയായിരുന്ന സ്കൂട്ടറിൽ പിറകെ വന്ന ബസ്സിടിക്കുകയായിരുന്നു.
ഇയാളുടെ തലയിലൂടെ ബസിൻ്റെ ചക്രം കയറിയിറങ്ങി.
സംഭവസ്ഥലത്ത് വെച്ചു തന്നെ ശ്രീകുമാർ മരണമടഞ്ഞു.
ഫസ്റ്റ്കെയർ ആംബുലൻസ് പ്രവർത്തകർ മൃതദേഹം കൊടുങ്ങല്ലൂർ താലൂക്ക് ഗവ.ആശുപത്രിയിലെത്തിച്ചു.
