തൃപ്രയാർ: സ്കൂളിലേക്ക് പോകുകയായിരുന്ന എട്ടാം ക്ലാസ് വിദ്യാർഥിനിയെ അപമാനിക്കാൻ ശ്രമിച്ച അതിഥിതൊഴിലാളി അറസ്റ്റിൽ. പശ്ചിമ ബംഗാൾ സ്വദേശി ശംഭുനാഥ് കർമാകറാണ് (56) പിടിയിലായത്. ചൊവ്വാഴ്ച രാവിലെ 9.45-ഓടെ കിഴക്കേ ടിപ്പുസുൽത്താൻ റോഡിൽ ടെലിഫോൺ എക്സ്ചേഞ്ചിനു സമീപമാണ് സംഭവം.
സ്കൂളിലേക്ക് പോയിരുന്ന കുട്ടിയുടെ കൈ പിടിച്ച് ഇയാൾ ദേവസ്വം സ്റ്റോക്കുപുര പറമ്പിലേക്ക് വലിച്ചു. കുതറിമാറി ഓടിയ കുട്ടിയുടെ കരച്ചിൽ കേട്ട് സമീപത്തെ കടയിലുണ്ടായിരുന്നവരും റോഡിലൂടെ വന്നവരും ശംഭുനാഥിനെ പിടിച്ചുവെച്ച് വലപ്പാട് പോലീസിൽ അറിയിച്ചു. പോലീസെത്തി ഇയാളെ കസ്റ്റഡിയിലെടുത്തു.
