കുന്നംകുളം: പഴുന്നാന മഹല്ല് ജുമാമസ്‌ജിദിന് കീഴിലുള്ള ഷെയ്‌ഖ് യൂസഫ് അൽ ഖാദിരി മഖാമിൽ മോഷണം നടത്തിയ സംഭവത്തിൽ പ്രതി അറസ്റ്റിൽ. കോഴിക്കോട് പൂനൂർ ഉണ്ണികുളം സ്വദേശി കക്കാട്ടുമൽ വീട്ടിൽ മുജീബിനെ(41)യാണ് കേസിൽ കുന്നംകുളം സ്റ്റേഷൻ ഹൗസ് ഓഫീസർ യു.കെ ഷാജഹാന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്‌തത്. 40 ഓളം മോഷണക്കേസിലെ പ്രതിയാണ് ഇയാൾ. മോഷണം നടത്തിയ മഖാമിലും, പള്ളിയിലും കുന്നംകുളം സബ് ഇൻസ്പെക്ടർ രാജുവിൻ്റെ നേതൃത്വത്തിലുള്ള പോലീസ് സംഘം തെളിവെടുപ്പ് നടത്തി.
പഴുന്നാന മഹല്ല് ജുമാമസ്‌ജിദിന് കീഴിലെ മഖാമിൽ മോഷണം; പ്രതി അറസ്റ്റിൽ.
