കൊടുങ്ങല്ലൂർ: നഗരസഭയിലെ ചേരമാൻ ജുമാ മസ്ജിദ് 41-ാം വാർഡിൽ ഡിസംബർ 10-ന് നടക്കുന്ന ഉപതിരഞ്ഞെടുപ്പിൽ യു.ഡി.എഫിനും ബി.ജെ.പി.ക്കും എൽ.ഡി.എഫിനും സ്ഥാനാർഥികളായി. ബി.ജെ.പിയുടെ സ്ഥാനാർഥിയായി ബൂത്തിലെ മാതൃസമിതി പ്രസിഡന്റ് ഗീതാറാണിയും യു.ഡി.എഫിനുവേണ്ടി ഡി.സി.സി. അംഗം പി.യു. സുരേഷ്‌കുമാറും എൽ.ഡി.എഫ്. നു വേണ്ടി ജി എസ് സുരേഷ് മത്സരിക്കും. ബി.ജെ.പി. കൗൺസിലർ ടി.ഡി. വെങ്കിടേശ്വരൻ സ്ഥാനം രാജിവെച്ചതോടെയാണ് ഉപതിരഞ്ഞെടുപ്പ് വേണ്ടിവന്നത്.
കൊടുങ്ങല്ലൂർ ഉപതിരഞ്ഞെടുപ്പ്: സ്ഥാനാർത്ഥി ചിത്രം തെളിഞ്ഞു
