തളിക്കുളം: ഗ്രാമപഞ്ചായത്ത് 2024 – 25 ജനകീയാസൂത്രണ പദ്ധതിയുടെ ഭാഗമായി കോഴി വിതരണം നടത്തി. തളിക്കുളം ഗ്രാമപഞ്ചായത്ത് പ്രസിഡൻ്റ് പി ഐ സജിത ഉദ്ഘാടനം ചെയ്തു. വികസന സ്റ്റാൻഡിങ് കമ്മിറ്റി ചെയർമാൻ എ. എം. മെഹബൂബ് അധ്യക്ഷത വഹിച്ചു. ഒരു ഗുണഭോക്താവിന് 45 ദിവസം പ്രായമുള്ള 10 കോഴിക്കുഞ്ഞുങ്ങളെയാണ് വിതരണം ചെയ്തത്. ആദ്യഘട്ടമായി 150 ഗുണഭോക്താക്കൾക്കാണ് കോഴി കുഞ്ഞുങ്ങളെ വിതരണം ചെയ്തത്. മുട്ട ഉൽപാദനം വർദ്ധിപ്പിക്കുക, വനിതകളെ സാമ്പത്തികമായി സ്വയം പര്യാപ്തരക്കുക എന്നീ ലക്ഷ്യങ്ങളോടുകൂടിയാണ് പദ്ധതി നടപ്പിലാക്കുന്നത്. തളിക്കുളം ഗ്രാമപഞ്ചായത്ത് വൈസ് പ്രസിഡന്റ് പി.കെ. അനിത ടീച്ചർ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം.കെ. ബാബു, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ അബ്ദുൽ നാസർ, ബ്ലോക്ക് മെമ്പർ കല ടീച്ചർ, വാർഡ് മെമ്പർ സി.കെ. ഷിജി എന്നിവർ സംസാരിച്ചു. തളിക്കുളം ഗ്രാമപഞ്ചായത്ത് വെറ്റിനറി ഡോക്ടർ ആര്യ പദ്ധതി വിശദീകരണം നടത്തി. എൽ ഐ അഞ്ജന, പി.ആർ. രമേഷ് എന്നിവർ വിതരണത്തിന് നേതൃത്വം നൽകി.
തളിക്കുളത്ത് വനിതകൾക്ക് ജനകീയാസൂത്രണ പദ്ധതി പ്രകാരം കോഴിക്കുഞ്ഞുങ്ങളെ വിതരണം ചെയ്തു.
