കണ്ടശാംകടവ്: സെൻറ് മേരീസ് ഫൊറോന പള്ളിയിൽ വിശുദ്ധ സെബസ്ത്യാനോസ് സഹദായയുടെ തിരുനാളിന് കൊടിയേറി. തൃശൂർ ഫാമിലി അപ്പസ്തോലേറ്റ് ഡയറക്ടർ ഫാ. ഡെന്നി താണിക്കൽ കൊടിയേറ്റി. 12, 13, 14 തിയ്യതികളിലാണ് തിരുനാൾ ആഘോഷം. തിരുനാൾ വരെ എല്ലാ ദിവസവും വൈകീട്ട് 5.30 ന് വിശുദ്ധകുർബാന, ലദീഞ്ഞ്, നോവേന എന്നിവയുണ്ടാകും. 11 ന് വൈകിട്ട് 6.30 ന് തൃശൂർ അതിരൂപത ചാൻസലർ ഫാ. ഡൊമനിക് തലക്കോടൻ ദീപാലങ്കാരം സ്വിച്ച് ഓൺ ചെയ്യും. പന്ത്രണ്ടാം തിയ്യതി രാവിലെ 6 ന് നടക്കുന്ന വി.കുർബാനക്ക് തൃശൂർ അതിരൂപത വികാരി ജനറാൾ മോൺ. ജോസ് കോനിക്കര നേതൃത്വം നൽകും . തുടർന്ന് അമ്പ് വെഞ്ചിരിപ്പ്, പ്രസുദേന്തി വാഴ്ച എന്നിവയുണ്ടാകും. വൈകീട്ട് 5.30നുള്ള കുർബാനയക്ക് തൃശൂർ അതിരൂപത വികാരി ജനറൽ മോൺ. ജോസ് വള്ളൂരാൻ മുഖ്യ കാർമ്മീകനാകും തുടർന്ന് കൂടുതുറക്കൽ കർമ്മവും ഉണ്ടാകും. 13 ന് രാവിലെ 6 നും 8 നും വൈകീട്ട് 4.30 നും വി.കുർബാന ഉണ്ടാകും.രാവിലെ 10 നുള്ള തിരുനാൾ കുർബാനയ്ക്ക് ഫാ.സെബി പുത്തൂർ മുഖ്യ കാർമ്മികനാകും. ഫാ. ബാസ്റ്റിൻ പുന്നോലി പറമ്പിൽ തിരുനാൾ സന്ദേശം നൽകും.വൈകീട്ട് 4.30 നു ളള കുർബാനക്കു ഫാ. മിഥുൻ ചുങ്കത്ത് നേതൃത്വം നൽകും തുടർന്ന് തിരുനാൾ പ്രദക്ഷിണം ഉണ്ടാകും. തിരുനാളിനോടനുബന്ധിച്ച് രാവിലെ 9.30 ന് ആരംഭിച്ച വിളമ്പരജാഥ ഇടവക വികാരി ഫാ. ജോസ് ചാലയ്ക്കൽ ഫ്ലാഗ് ഓഫ് ചെയ്തു. തിരുനാളിനോടനുബന്ധിച്ച് 14 ന് വൈകീട്ട് 7 മണിക്ക് കാഞ്ഞിരപ്പിള്ളി അമല കമ്മ്യൂണിക്കേഷൻ്റെ ബൈബിൾ ഡ്രാമയായ തച്ചൻ പ്രദർശിപ്പിക്കും. അസി.വികാരി. ഫാ. നിതിൻ പൊന്നാരി , ട്രസ്റ്റിമാരായ ജെയ്സൺ പോൾ, ജോസഫ് അറയ്ക്കൽ, ബൈജു ജോർജ്, ജിൻ്റോ ചാലിശ്ശേരി എന്നിവർ നേതൃത്വം നൽകി.
കണ്ടശാം കടവ് തിരുനാളിന് കൊടിയേറി.
