കൊടുങ്ങല്ലൂർ: ശ്രീകുരുംബ ഭഗവതീക്ഷേത്രത്തിലെ താലപ്പൊലി ഉത്സവത്തിന്റെ ഭാഗമായി ഇന്ന് (ചൊവ്വാഴ്ച) മുതൽ വെള്ളിയാഴ്ച വരെ നഗരത്തിൽ പോലീസ് ഗതാഗതക്രമീകരണം ഏർപ്പെടുത്തി.
▪️ഗുരുവായൂർ ഭാഗത്തുനിന്നുവരുന്ന ഓർഡിനറി ബസുകൾ ചന്തപ്പുരയിൽ യാത്രക്കാരെ ഇറക്കി യാത്ര അവസാനിപ്പിക്കണം. തുടർന്ന്‌ തിരികെ ചന്തപ്പുരയിൽനിന്ന് ഗുരുവായൂർ ഭാഗത്തേക്ക് യാത്ര തുടരണം.
▪️എറണാകുളം ഭാഗത്തേക്ക് പോകുന്ന ലിമിറ്റഡ് സ്റ്റോപ്പ് ബസുകൾ ചന്തപ്പുരയിൽ യാത്രക്കാരെ ഇറക്കി ബൈപാസ് വഴി എറണാകുളത്തേക്കും മറ്റു വാഹനങ്ങൾ നേരിട്ട് ബൈപാസ് വഴിയും പോകണം.
▪️അഴീക്കോട്- എറിയാട് എന്നിവിടങ്ങളിൽനിന്നുള്ള ബസുകൾ സ്റ്റാൻഡിൽ യാത്ര അവസാനിപ്പിക്കണം.
▪️എറണാകുളം ഭാഗത്തുനിന്നു വരുന്ന ബസുകൾ കോട്ടപ്പുറം സിഗ്‌നലിൽനിന്ന് ബൈപാസിൽ കയറി ചന്തപ്പുരയിൽ എത്തി യാത്രക്കാരെ ഇറക്കി യാത്ര തുടരണം.
▪️ഗുരുവായൂർ ഭാഗത്തേക്കുള്ള മറ്റു വാഹനങ്ങൾ ബൈപാസ് വഴി പോകണം.
▪️മാള, കൃഷ്ണൻകോട്ട, പറവൂർ എന്നിവിടങ്ങളിൽനിന്ന് വരുന്ന ബസുകൾ മുസിരിസ് ബസ് സ്റ്റാൻഡിൽ യാത്ര അവസാനിപ്പിക്കേണ്ടതും ഇവിടെനിന്നും തിരിച്ചുപോകേണ്ടതുമാണ്.
▪️ തൃശ്ശൂർ – ഇരിങ്ങാലക്കുട ഭാഗത്തു നിന്ന്‌ വരുന്നവ ട്രസ്റ്റ് ബസ് സ്റ്റാൻഡിൽ യാത്ര അവസാനിപ്പിച്ച്‌ ഇവിടെനിന്ന് യാത്രക്കാരെ കയറ്റി തിരിച്ചുപോകണം.
▪️അഴീക്കോട്, എറിയാട് എന്നിവിടങ്ങളിൽനിന്ന് വരുന്ന കാർ അടക്കമുള്ള വാഹനങ്ങൾ ബൈപാസിൽ പാർക്ക് ചെയ്യണം.
▪️തൃശ്ശൂർ, ഇരിങ്ങാലക്കുട ഭാഗത്തു നിന്നു വരുന്ന ഹെവി വാഹനങ്ങൾ കോ-ഓപ്പറേറ്റീവ് കോളേജ് വഴി ഇടത്തോട്ട് തിരിഞ്ഞ് ലക്ഷ്മി തിയേറ്റർ വഴി പോകണം. തെക്കേ നടയിൽ പോസ്റ്റ്‌ ഓഫീസ് പരിസരത്ത് രാവിലെ 11വരെയെ പാർക്കിങ്‌ അനുവദിക്കുള്ളൂ.
