പാറളം: പഞ്ചായത്ത് ശാസ്താംകടവിൽ എം.എൽ.എ അനുവദിച്ച 20 ലക്ഷം രൂപ ഫണ്ട് ഉപയോഗിച്ച് നിർമ്മാണം പൂർത്തികരിച്ച ഹൈടെക് അങ്കണവാടിയുടെ ഉദ്ഘാടനം നാളെ രാവിലെ 10-30 ന് സി.സി. മുകുന്ദൻ എം.എൽ.എ നിർവ്വഹിക്കും. കെ.എസ്. നാരായണൻ നമ്പൂതിരിപ്പാട് സംഭാവനചെയ്ത 9.5 സെൻ്റ് സ്ഥലത്താണ് 71 ചതുരശ്ര അടി വിസ്തീർണത്തിൽ ശാസ്താ എന്ന പേരിൽ അങ്കണവാടി പണിതിരിക്കുന്നത്. എയർകണ്ടീഷൻ , കുട്ടികൾ വീണ്ടാൽ പരിക്കേൽക്കാതിരിക്കുന്ന മാറ്റ്, ഫ്രീഡ്ജ്, സി.സി.ടി. വി ക്യാമറ,സ്മാർട്ട് ടി.വി, മൈക്ക് സിസ്റ്റം, കളി ഉപകരണങ്ങൾ എന്നിവ പലരുടെയും സംഭാവനയായി ലഭിച്ചിട്ടുണ്ട്. പഞ്ചായത്തിലെ ആധുനിക സൗകര്യങ്ങളോടുകൂടിയ ആദ്യത്തെ അങ്കണവാടിയാണ് ഇതെന്ന് വാർഡ് അംഗം കെ. പ്രമോദ് പറഞ്ഞു.
പാറളം ഹൈടെക് അങ്കണവാടി ഉദ്ഘാടനം നാളെ
