തൃപ്രയാർ: നാട്ടികയിൽ നിന്നും സൈക്കിൾ മോഷ്ടിച്ച കേസിൽ യുവാവ് അറസ്റ്റിൽ. വലപ്പാട് ചോഴിപ്പറമ്പിൽ രാഹുൽ (21) എന്ന ഭീമൻ രാഹുലിനെയാണ് വലപ്പാട് എസ്.എച്ച്.ഒ എം.കെ രമേഷിൻ്റെ നേതൃത്വത്തിലുള്ള പോലിസ് സംഘം അറസ്റ്റ് ചെയ്തത്. നാട്ടിക എസ്.എൻ ട്രസ്റ്റിനടുത്തുള്ള അപ്പാർട്ട്മെൻ്റിന്റെ മുൻവശത്ത് നിന്നും ആസാം സ്വദേശിയുടെ 7500 രൂപ വിലമതിക്കുന്ന സൈക്കിളാണ് ഇയാൾ മോഷ്ടിച്ചത്. പരാതി ലഭിച്ചതിനെ തുടർന്ന് സി.സി.ടി.വി ദൃശ്യങ്ങൾ പരിശോധിച്ചാണ് പോലീസ് പ്രതിയെ പിടികൂടിയത്. 2024 ൽ വലപ്പാട് പോലീസ് സ്റ്റേഷൻ പരിധിയിലുണ്ടായ ബൈക്ക് മോഷണവുമായി ബന്ധപ്പെട്ട് ജയിലി ലായിരുന്ന രാഹുൽ ജാമ്യത്തിലിറങ്ങിയതിനു ശേഷമാണ് സൈക്കിൾ മോഷ്ടിച്ചത്. പ്രതിക്ക് ചേർപ്പ് പോലീസ് സ്റ്റേഷനിൽ 2022 ൽ 3 ക്രിമിനൽ കേസുകൾ ഉണ്ട്. എസ്.ഐ സി.എൻ എബിൻ, സീനിയർ സി.പി.ഒ പി.യു മനോജ്, സി.പി.ഒമാരായ മാർഷ്, ജസ്‌ലിൻ തോമസ് എന്നിവരും പ്രതിയെ അറസ്റ്റ് ചെയ്ത സംഘത്തിലുണ്ടായിരുന്നു.
നാട്ടികയിൽ സൈക്കിൾ മോഷ്ടാവ് അറസ്റ്റിൽ
