ചേർപ്പ്: പൗർണ്ണമി രാവിൽ ആറാട്ടുപുഴയിലെ മന്ദാരംകടവിൽ നിലാവൊലി സംഗീതനിശ ഭാവസാന്ദ്രമായി. ‘നിലാവും പുഴയും മേമ്പൊടിയായി സംഗീതവും’എന്നതാണ് പരിപാടിയുടെ പേരായിരുന്നത്. വലിയ വഞ്ചിയായിരുന്നു വേദി. നിലാവിൽ പുഴയുടെ മർമ്മരങ്ങൾക്ക് പിന്നണിയായി സംഗീതവുമുണ്ടായിരുന്നു. പുഴയ്ക്കും നിലാവിനുമൊപ്പം രഘുനാഥൻ സാവിത്രി – (പുല്ലാങ്കുഴൽ) വെള്ളാറ്റഞ്ഞൂർ ശ്രീജിത്ത് -(ഘടം) എന്നിവരായിരുന്നു സംഗീതമൊരുക്കിയത്. ശബ്ദത്തിന്റെയും വെളിച്ചത്തിന്റെയും അതിപ്രസരമില്ലാതെ, പൗർണ്ണമിരാവുകളിൽ ആറാട്ടുപുഴയുടെ ഗ്രാമീണഭംഗി ആസ്വദിക്കാൻ അരങ്ങൊരുക്കുക എന്ന ലക്ഷ്യവുമായി ആറാട്ടുപുഴ കേന്ദ്രമായി പ്രവർത്തിക്കുന്ന കലാപ്രവാഹിനിയാണ് നിലാവൊലി സംഗീതനിശ സംഘടിപ്പിച്ചത്. നിരവധി പേർ കഴിഞ്ഞ ദിവസം രാത്രിസംഗീത നിശ ആസ്വാദിക്കാനെത്തി.
ആറാട്ടുപുഴയുടെ അഴകിൽ ഭാവസാന്ദ്രമായി നിലാവൊലി സംഗീതനിശ.
