ഇരിഞ്ഞാലക്കുട: കരൂപ്പടന്ന മുസാഫരിക്കുന്നിൽ വാട്ടർ ടാങ്കിന് സമീപത്തു നിന്നും കഞ്ചാവുമായി യുവാവ് പിടിയിൽ മുസാഫരിക്കുന്ന് ദേശത്ത് അറക്കപ്പറമ്പിൽ സൈഫുദ്ദീൻ (27) ആണ് പിടിയിലായത്. ഇയാളിൽ നിന്നും കഞ്ചാവും പോലീസ് കണ്ടെടുത്തു. മുസാഫരിക്കുന്നിൽ കഞ്ചാവ് ഉപയോഗം വ്യാപകമാണെന്നുള്ള വിവരം കിട്ടിയതനുസരിച്ച് എസ്എച്ച്ഒ അനീഷ് കരീമും സംഘവും പെട്രോളിങ് നടത്തുന്നതിനിടയിലാണ് കഞ്ചാവ് സഹിതം സൈഫുദ്ദീൻ പിടിയിലായത്. സംഘത്തിൽ സീനിയർ സിപിഒ എ.കെ.രാഹുൽ, സിപിഒ ബിബിൻ എന്നിരും ഉണ്ടായിരുന്നു.
കരൂപ്പടന്നയിൽ കഞ്ചാവുമായി യുവാവ് പിടിയിൽ.
