വാടാനപ്പിള്ളി: ഏങ്ങണ്ടിയൂർ പുളിക്കകടവിൽ കഞ്ചാവുമായി മധ്യ വയസ്കൻ അറസ്റ്റിൽ. പാടൂർ കൈതമുക്ക് മമ്മസ്രയില്ലത്ത് വീട്ടിൽ അബ്ദുൾ സലാം (52 ) നെയാണ് വാടാനപ്പള്ളി പോലീസ് അറസ്റ്റ് ചെയ്തത്. വാഹനപരിശോധനക്കിടെ സംശയം തോന്നിയ ഇയാളെ പരിശോധിച്ചപ്പോഴാണ് കഞ്ചാവ് കണ്ടെത്തിയത്. പാവറട്ടി പോലീസ് സ്റ്റേഷനിൽ കഞ്ചാവ് കൈവശം വച്ച കുറ്റത്തിന് 3 കേസുകളും കഞ്ചാവ് ഉപയോഗിച്ച കുറ്റത്തിന് ഒരു കേസുമുണ്ട്. വാടാനപ്പിള്ളി പോലീസ് സ്റ്റേഷൻ ഇൻസ്പെക്ടർ, ബി.എസ്.ബിനു, സിവിൽ പോലീസ് ഓഫീസർ അലി, സ്വെഷ്യൽ ബ്രാഞ്ച് ഫീൽഡ് സ്റ്റാഫ് എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
ഏങ്ങണ്ടിയൂരിൽ കഞ്ചാവുമായി പാടൂർ സ്വദേശി വാടാനപ്പള്ളി പോലീസിൻ്റെ പിടിയിൽ
