News One Thrissur
Updates

കയ്പമംഗലം നിയോജക മണ്ഡലത്തിൽ മയക്ക് മരുന്നിനെതിരായ പോരാട്ടത്തിന് തുടക്കം.

കൊടുങ്ങല്ലൂർ: കയ്പമംഗലം നിയോജക മണ്ഡലത്തിൽ മയക്ക് മരുന്നിനെതിരായ പോരാട്ടത്തിന് തുടക്കം കുറിച്ചു. =ഇതോട് അനുബന്ധിച്ച് വിപുലമായ ജനകീയ കർമ പരിപാടിക്കും കാമ്പയിനിനും ഇ.ടി. ടൈസൻ എം.എൽ.എയുടെ നേതൃത്വത്തിൽ രൂപം നൽകി. മണ്ഡലത്തിലെ മുഴുവൻ ജനപ്രതിനിധികൾ, സർക്കാർ സംവിധാനങ്ങൾ, രാഷ്ട്രീയ, സാമൂഹിക, കലാകായിക സംഘടനകൾ, വിമുക്തി, യോദ്ധാവ് സ്നേഹത്തൺ പദ്ധതികളുടെ സംഘാടകർ എന്നിവരെയെല്ലാം ഒരു കുടക്കീഴിൽ സംയോജിപ്പിച്ചാണ് ജനകീയ കൂട്ടായ്മ രൂപവത്കരിച്ചത്. മയക്കുമരുന്നിന്റെ വിതരണം ഉറവിടം എന്നിവ കണ്ടെത്താനും ഇതിൽ ഉൾപ്പെടുന്നവരെ കണ്ടെത്തി നിയമത്തിന്റെ മുന്നിൽ കൊണ്ടുവരാനും കുട്ടികളടക്കം ഇതിന്റെ ഇരകൾ ആയവരെ മയക്കുമരുന്നിൽ നിന്നും മോചിപ്പിക്കാനും പ്രത്യേകം പ്രത്യേകംപദ്ധതികൾ നടപ്പാക്കും. മണ്ഡലത്തിലെ ഏഴ് പഞ്ചായത്തുകളിലും മാർച്ചിൽതന്നെ ജനകീയ കൂട്ടായ്മകൾ രൂപവത്കരിക്കും. തുടർന്ന് ഏപ്രിലിൽ വാർഡുതല സംഗമങ്ങളും അയൽപക്ക സ്നേഹ സദസ്സുകളും സംഘടിപ്പിക്കും. വാർഡ്  തലത്തിൽ നടത്താൻ സാധിക്കുന്ന 21 ഇന പ്രവർത്തന പരിപാടിക്കും യോഗം രൂപം നൽകി. മണ്ഡലം തലത്തിൽ അക്കാദമിക്, കൗൺസലിങ്, ലീഗൽ, പ്രചാരണം, കലാവിഭാഗം, കായിക വിഭാഗം, സാമ്പത്തികം എന്നിങ്ങനെ ഏഴ് സബ് കമ്മിറ്റികളും രൂപവത്കരിച്ചു. അസ്മാബി കോളജ് ഓഡിറ്റോറിയത്തിൽനടന്ന യോഗത്തിൽ പഞ്ചായത്ത് പ്രസിഡന്റ് സീനത്ത് ബഷീർ അധ്യക്ഷത വഹിച്ചു. ഡെപ്യൂട്ടി കലക്ടർ അഖിൽ വി. മേനോൻ മുഖ്യാതിഥിയായി പങ്കെടുത്തു. അക്ഷര കൈരളി കോഓഡിനേറ്റർ ടി.എസ്. സജീവൻ പ്രവർത്തന പരിപാടി വിശദീകരിച്ചു. മതിലകം ബ്ലോക്ക് പ്രസിഡന്റ് സി.കെ. ഗിരിജ, ഗ്രാമ പഞ്ചായത്ത് പ്രസിഡന്റുമാരായ കെ.പി. രാജൻ, നിഷ അജിതൻ, എം.എസ്. മോഹനൻ, വിനീത മോഹൻദാസ്, ശോഭന രവി, ടി.കെ. ചന്ദ്രബാബു തുടങ്ങിയവരും, ഡി.ഡി.ഇ കെ. അജിതകുമാരി, എ.ഇ.ഒ മൊയ്തീൻ കുട്ടി, എക്സൈസ് അസി. കമീഷണർ എ.ടി. ജോബി, ഡി.വൈ.എസ്.പി വി.കെ. രാജു, സി.ഐ ബാലസുബ്രഹ്മുണ്യൻ, സബ് ഇൻസ്പെക്ടർ സൂരജ്, ഡോ. സാനു, വി.എം. ഷൈൻ, അഡ്വ. നവാസ് കാട്ടകത്ത്, റവ. ഫാദർ ഷൈജൻ കളത്തിൽ, തുടങ്ങിയവർ പ്രതികരണങ്ങൾ നടത്തി. സ്വരക്ഷ കൺവീനർ പി.ആർ. ശ്രീധർ സ്വഗ്രതവും കോളജ് പ്രിൻസിപ്പൽ ഡോ. റീന മുഹമ്മദ് നന്ദിയും പറഞ്ഞു.

Related posts

നാട്ടിക മഹല്ല് ജമാഅത്ത് കമ്മിറ്റിയുടെ സഹകരണത്തോടെ യു.എ.ഇ. നാട്ടിക മഹല്ല് വെൽഫെയർ കമ്മിറ്റി നിർമ്മിച്ച എട്ടാമത്തെ വീട് സമർപ്പിച്ചു.

Sudheer K

മൂന്നുപീടികയിൽ ഹോട്ടലിൽ കഞ്ചാവ് വിൽപ്പന: രണ്ട് പേർ പിടിയിൽ

Sudheer K

പിതാവിനെ കടലക്കറിയില്‍ വിഷം നല്‍കി കൊലപ്പെടുത്തിയ കേസിലെ പ്രതിയായ മകന്‍ ഡോ.മയൂരദാസിനെ നേപ്പാളില്‍ മരിച്ച നിലയില്‍ കണ്ടെത്തി.

Sudheer K

Leave a Comment

error: Content is protected !!