കിഴുപ്പിള്ളിക്കര: ആന്ദ്രോപോവ് സോക്കേഴ്സ് 41ാം വാർഷികത്തോടനുബന്ധിച്ച് അരുതാത്ത ലഹരിക്കെതിരെ ഫുട്ബോൾ ലഹരി എന്ന ആശയം ഉയർത്തി പിടിച്ചു കൊണ്ട് നളന്ദ ഹൈസ്കൂൾ ഗ്രൗണ്ടിൽ സംഘടിപ്പിച്ച അഖില കേരള സൂപ്പർ സിക്സ് ഫുട്ബോൾ ടൂർണ്ണമെന്റിൽ വാരിയേഴ്സ് എഫ്.സി കിഴുപ്പിള്ളിക്കര ജേതാക്കളായി. മണപ്പാട് കലാസമിതി ഏങ്ങണ്ടിയൂർ റണ്ണേഴ്സ് ആയി. 16 ടീമുകൾ മാറ്റുരച്ച ടൂർണ്ണമെൻ്റിൽ മണപ്പാട് കലാസമിതിയുടെ നിധീഷ് ടൂർണ്ണമെൻ്റിലെ മികച്ച താരമായി. എൽദാസ് ബിൽഡേഴ്സ് താരം സമാൻ മികച്ച ഫോർവേഡായും, വാരിയേഴ്സ് എഫ്.സിയുടെ എഡ്‌വിൻ മികച്ച ഡിഫൻഡറായും, ഹരിശാന്ത് മികച്ച ഗോൾകീപ്പറായും, കണ്ണൻ ഫൈനലിലെ മികച്ച താരവുമായി തിരഞ്ഞെടുത്തു. ടൂർണ്ണമെൻ്റിന് ടി.വി. ദിപു, കാസ്ട്രോ സുധീർ, സ്വാലിഹ് ഹബീബ്, ഗോകുൽ കൃഷ്ണ, ബഷീർ ബാവ, വൈശാഖ് മോഹൻ, കെ.സി.സനീഷ്, ടി.ജി. ധീരജ് എന്നിവർ നേതൃത്വം നൽകി.
കിഴുപ്പിളളിക്കര ആന്ദ്രോപോവ് സോക്കർ കപ്പ് 2025 : വാരിയേഴ്സ് എഫ്. സി. ജേതാക്കൾ.
