എടവിലങ്ങ്: മൂന്ന് വാഹനങ്ങൾ കൂട്ടിയിടിച്ചുണ്ടായ അപകടത്തിൻ നാല് പേർക്ക് പരിക്കേറ്റു. കാര പഞ്ചായത്ത്കുളത്തിന് സമീപമായിരുന്നു അപകടം. ഓട്ടോറിക്ഷയും സ്വിഫ്റ്റ് കാറും കൂട്ടിയിടിച്ചാണ് ആദ്യ അപകടമുണ്ടായത്.
തുടർന്ന് നിയന്ത്രണം വിട്ട ഓട്ടോറിക്ഷ സാൻട്രോ കാറിൽ ചെന്നിടിക്കുകയായിരുന്നു. അപകടത്തിൽ ഓട്ടോറിക്ഷ ഡ്രൈവർ മതിലകം സ്വദേശി പാമ്പിനേഴത്ത് റാഫി (51), ഓട്ടോറിക്ഷ യാത്രക്കാരായ മതിലകം കൊളവേലി വീട്ടിൽ ഐഷാബി(60), ഹൈറുന്നീസ (33), ഫാത്തിമ നസ്റിൻ(7)എന്നിവർക്ക് പരിക്കേറ്റു. പരിക്കേറ്റവരെ കൊടുങ്ങല്ലൂർ എ.ആർ മെഡിക്കൽ സെൻ്ററിൽ പ്രവേശിപ്പിച്ചു.