ഒല്ലൂരിൽ തീവണ്ടി തട്ടി റെയിൽവേ ജീവനക്കാരന് ദാരുണ മരണം

തൃശൂർ: ഒല്ലൂരിൽ തീവണ്ടി തട്ടി റെയിൽവേ ജീവനക്കാരന് ദാരുണ മരണം. ഡ്യൂട്ടിയിലുണ്ടായിരുന്ന 55 വയസ്സുള്ള ഉത്തമൻ കെ.എസ് ആണ് മരിച്ചത്. ഒല്ലൂർ സ്റ്റേഷനും തൃശ്ശൂർ സ്റ്റേഷനും ഇടയിൽ രാവിലെ പതിനൊന്നരയോടെ ആയിരുന്നു അപകടം. ഒല്ലൂർ ഗാങ്ങ് നമ്പർ രണ്ടിലെ ഡ്യൂട്ടിക്കിടെ വേണാട് എക്സ്പ്രസ് തട്ടിയായിരുന്നു മരണം. ട്രെയ്നിൻ്റെ എൻജിന് അടിയിൽ കുടുങ്ങിയ ഉത്തമൻ സംഭവസ്ഥലത്ത് വച്ച് തന്നെ മരണപ്പെട്ടു. എൻജിന് അടിയിൽ കുടുങ്ങികിടന്ന മൃതദേഹം 12.45ഓടെയാണ് പുറത്തെടുക്കാനായത്. നെടുപുഴ പോലീസ് സ്ഥലത്തെത്തി മേൽനടപടികൾ സ്വീകരിച്ചു.