അന്തിക്കാട്: ഹൈസ്കുൾ അദ്ധ്യാപക- രക്ഷാകർത്തൃസമിതി വാർഷികം ജില്ലാപഞ്ചായത്ത് മെമ്പർ വി.എൻ. സുർജിത്ത് ഉദ്ഘാടനം നിർവഹിച്ചു. പി.ടി.എ പ്രസിഡൻ്റ് എൻ.ടി. ഷജിൽ അധ്യക്ഷത വഹിച്ചു. ഉന്നത വിജയം കൈവരിച്ച വിദ്യാർത്ഥികൾക്ക് അവാർഡ്‌ ദാനം അന്തിക്കാട് ഗ്രാമപഞ്ചായത്ത് പ്രസിഡൻ്റ് ജീന നന്ദൻ നിർവഹിച്ചു. 75ാം വാർഷിക ലോഗോയും പേരും നിർദ്ദേശിച്ചതിൽ നിന്ന് തെരഞ്ഞെടുക്കപ്പെട്ട വിദ്യാർത്ഥിക്കുള്ള സമ്മാനദാനം ബ്ലോക്ക് പഞ്ചായത്ത് മെമ്പർ സി.കെ. കൃഷ്ണകുമാർ നിർവഹിച്ചു. ദത്തെടുക്കുന്ന വിദ്യാർത്ഥികൾക്കുള്ള പഠനോപകരണ വിതരണം പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർപേഴസൺ ശരണ്യ രജീഷ് നിർവഹിച്ചു. വാർഡ് മെമ്പർ രഞ്ജിത്ത് കുമാർ, പ്രധാനദ്ധ്യാപിക വി.ആർ. ഷില്ലി, പി.ടി.എ വൈസ് പ്രസിഡൻ്റ് സജീഷ് മാധവൻ, എൻ.ആർ. പ്രിജി ടീച്ചർ, വി.ആർ. വിനോദ് എന്നിവർ പങ്കെടുത്തു.
അന്തിക്കാട് ഹൈസ്കുൾ അദ്ധ്യാപക- രക്ഷാകർത്തൃസമിതി വാർഷികം.
