തളിക്കുളം: റോഡുകളുടെ ശോചനീയാവസ്ഥ പരിഹരിക്കുക, ക്ഷേമപെൻഷൻ ഉടൻ വിതരണം ചെയ്യുക, വൈദ്യുതി ചാർജ് കുറയ്ക്കുക തുടങ്ങിയ ആവശ്യങ്ങൾ ഉന്നയിച്ച് ബിജെപി തളിക്കുളം പഞ്ചായത്ത് കമ്മിറ്റി ധർണ നടത്തി. ബിജെപി ജില്ലാ സെക്രട്ടറി ലോചനൻ അമ്പാട്ട് ഉദ്ഘാടനം ചെയ്തു. ഭഗീഷ് പൂരാടൻ അധ്യക്ഷത വഹിച്ചു. സർജു തൊയക്കാവ് മുഖ്യപ്രഭാഷണം നടത്തി. ജനറൽ സെക്രട്ടറി മണികണ്ഠൻ ആലയിൽ, ഷണ്മുഖൻ മയൂർ, റിനീഷ് പട്ടാലി, രാജു കാര്യാട്ട്, ബിജോയ് പുളിയമ്പ്ര എന്നിവർ പങ്കെടുത്തു.