തളിക്കുളം: തീരദേശ ഹൈവേ നിർമ്മാണവുമായി ബന്ധപ്പെട്ട് നാട്ടിക നിയോജക മണ്ഡലത്തിലെ തളിക്കുളം, നാട്ടിക, വലപ്പാട് തുടങ്ങിയ മേഖലകളിലെ വിഷയങ്ങൾ ചർച്ച ചെയ്യുന്നതിന് സി.സി. മുകുന്ദൻ എംഎൽഎയുടെ അധ്യക്ഷതയിൽ തളിക്കുളം ബ്ലോക്ക് പഞ്ചായത്ത് ഹാളിൽ യോഗം ചേർന്നു. തീരദേശ ഹൈവേ കടന്ന് പോകുന്ന മേഖലകളെ സാറ്റലൈറ്റ് രൂപത്തിൽ അടയാളപ്പെടുത്തിയ വിവരങ്ങൾ ജനപ്രതിനിധികളും കോസ്റ്റൽ ഹൈവേ ഉദ്യോഗസ്ഥരും ചർച്ച ചെയ്തു. മേഖലയിലെ ജനങ്ങൾക്കുണ്ടാകുന്ന ആശങ്ക പരിഹരിച്ച് നിർമ്മാണവുമായി മുന്നോട്ട് പോകാനുള്ള നിർദ്ദേശങ്ങൾ യോഗത്തിൽ ഉയർന്നു.
തളിക്കുളം ബ്ലോക്ക് പഞ്ചായത്ത് പ്രസിഡന്റ് കെ.സി. പ്രസാദ് ,തളിക്കുളം ഗ്രാമപഞ്ചായത്ത് പ്രസിഡൻ്റ പി.ഐ. സജിത, നാട്ടിക ഗ്രാമപഞ്ചായത്ത് വൈസ് പ്രസിഡന്റ് രജനി ബാബു, ബ്ലോക്ക് പഞ്ചായത്ത് അംഗങ്ങായ ഭഗീഷ് പൂരാടൻ, കല ടീച്ചർ ,ലിൻ്റ സുഭാഷ്, ജുബി പ്രദീപ്, വസന്ത ദേവ് ലാൽ, ഗ്രാമപഞ്ചായത്ത് അംഗങ്ങായ എ.എം. മെഹബൂബ്, കെ.ആർ. ദാസൻ, കെ.ആർ.എഫ്.ബി എക്സിക്യൂട്ടീവ് എഞ്ചിനീയർ ഷിബു കൃഷ്ണരാജ് , പ്രൊജക്റ്റ് എഞ്ചിനീയർ വി.അജിത് തുടങ്ങിയർ പങ്കെടുത്തു.
