കാഞ്ഞാണി: സെന്ററിൽ ഭീഷണിയായി വൻ കടന്നൽക്കൂട്. പോസ്റ്റ്ഓഫീസ് സമീപമാണ് ഭീമൻ കടന്നൽക്കൂട് രൂപപ്പെട്ടിരിക്കുന്നത്. പോസ്റ്റ്ഓഫീസിലും സമീപത്തുള്ള ഹാളിൽ വരുന്ന ആളുകൾക്ക് കടന്നലിന്റെ ആക്രമണമേറ്റിരുന്നു. ഇതിനു സമീപം പാർക്കിങ്ങിന് എത്തുന്നവരും ഭീതിയിലാണ്. അപകടരമായ രീതിയിൽ നിൽക്കുന്ന കടന്നൽക്കൂട് നീക്കം ചെയ്യുന്നതിനുള്ള നടപടികൾ പഞ്ചായത്ത് അധികൃതർ ഉടൻ ചെയ്യണമെന്നും, നിരവധി സ്ഥാപനങ്ങൾ നിൽക്കുന്നതിന് ഇടയിലുള്ള ഈ കടന്നൽക്കൂട് അടിയന്തരമായി നീക്കം ചെയ്തില്ലെങ്കിൽ വൻ ദുരന്തമാണുണ്ടാവുമെന്നും കോൺഗ്രസ് മണലൂർ മണ്ഡലം പ്രസിഡൻ്റ് എം.വി. അരുൺ പറഞ്ഞു. കുറച്ച് മാസങ്ങൾക്ക് മുൻപ് പടിയത്ത് വീട്ടിലെ വാട്ടർ ടാങ്ക് വൃത്തിയാക്കാൻ കയറിയ വിദ്യാർഥി കടന്നലിന്റെ ആക്രമണത്തിൽ മരിച്ചിരുന്നു.
കാഞ്ഞാണി സെന്ററിൽ ഭീഷണിയായി വൻ കടന്നൽക്കൂട്
