തൃപ്രയാർ: തളിക്കുളത്തെ വീട്ടിൽനിന്ന് അഞ്ചു പവൻ സ്വർണം മോഷ്ടിച്ച കേസിൽ വേലക്കാരിയെ അറസ്റ്റ് ചെയ്തു. തളിക്കുളം ഫൗസിയയെയാണ് (35) വലപ്പാട് പൊലീസ് അറസ്റ്റ് ചെയ്തത്. ആഭരണം പണയംവെച്ച സ്ഥാപനത്തിൽനിന്ന് കണ്ടെടുക്കുകയും ചെയ്തു. പ്രതിയെ റിമാൻഡ് ചെയ്തു.
എസ്.എച്ച്.ഒ രമേശിന്റെ നേതൃത്വത്തിൽ എസ്.ഐ എബിൻ, ഗ്രേഡ് എസ്.ഐ റംല, സി.പി.ഒ സനില എന്നിവരടങ്ങിയ അന്വേഷണസംഘമാണ് പ്രതിയെ അറസ്റ്റുചെയ്തത്.
