കാഞ്ഞാണി: നെൽ കർഷകരുടെയും കുടിവെള്ളത്തിന്റെയും സംരക്ഷണത്തിന് വർഷംതോറും ലക്ഷങ്ങൾ ചെലവഴിച്ച് വളയം ബണ്ട് നിർമ്മിക്കുന്നത് മാറ്റി ശാശ്വത പരിഹാരമായ ഏനാമാവ് റെഗുലേറ്റർ ഉടൻ നവീകരിക്കണമെന്നാവശ്യപ്പെട്ട് മണലൂർ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ സായാഹ്ന ധർണ നടത്തി. കാഞ്ഞാണി ബസ് സ്റ്റാൻഡിൽ നടന്ന ധർണ ഡിസിസി ജനറൽ സെക്രട്ടറി അഡ്വ. വി.സുരേഷ് കുമാർ ഉദ്ഘാടനം ചെയ്തു, മണലൂർ മണ്ഡലം കോൺഗ്രസ് പ്രസിഡൻ്റ് എം വി അരുൺ അധ്യക്ഷത വഹിച്ചു, ഡിസിസി സെക്രട്ടറിമാരായ കെ.കെ. ബാബു, വി.ജി. അശോകൻ, കെ.ബി. ജയറാം, ബ്ലോക്ക് കോൺഗ്രസ് പ്രസിഡൻ്റ് കെ.എസ് ദീപൻ മാസ്റ്റർ, മുൻ മണ്ഡലം പ്രസിഡൻ്റ് റോബിൻ വടക്കേത്തല ബ്ലോക്ക് കോൺഗ്രസ് ഭാരവാഹികളായ കെ കെ പ്രകാശൻ, പി.ടി. ജോൺസൺ, ടോണി അത്താണിക്കൽ വാസു വളാഞ്ചേരി, ടോളി വിനീഷ്, ജനപ്രതിനിധികളായ ബീന സേവിയർ, പുഷ്പ വിശ്വംഭരൻ, ജിഷ സുരേന്ദ്രൻ, മരിയ ജിൻസി തോമസ്, കവിതാ രാമചന്ദ്രൻ, മണ്ഡലം ഭാരവാഹികളായ സ്റ്റീഫൻ നീലങ്കാവിൽ, സി.എൻ. പ്രഭാകരൻ, ജോസഫ് പള്ളിക്കുന്നത്ത്, എ.പി. ജോസ് മാസ്റ്റർ, ശശിധരൻ കൊട്ടേക്കാട്, എന്നിവർ സംസാരിച്ചു.
