ചേർപ്പ്: ചേർപ്പ് പഞ്ചായത്തിലെ 15, 17, 18, 19 വാർഡുകളിലെ അങ്കണവാടി കുട്ടികൾക്കായി പടിഞ്ഞാട്ടുമുറി ഗവൺമെൻറ് ജെ ബി എസ് സ്കൂളിൽ സംഘടിപ്പിച്ച കിഡ്സ് ഫസ്റ്റ് സമാപിച്ചു. വാർഡ് മെമ്പർ ധന്യ സുനിൽ ഉദ്ഘാടനം ചെയ്തു. പിടിഎ പ്രസിഡണ്ട് സി.കെ. വിനോദ് അധ്യക്ഷത വഹിച്ചു. സ്കൂൾ പൂർവ വിദ്യാർത്ഥിയും നാടക കൃത്തുമായ രഞ്ജിത് ശിവ മുഖ്യാതിഥിയായി. 5 അങ്കണവാടികളിൽ നിന്നായി 30 ഓളം പ്രതിഭകൾ പങ്കെടുത്തു. സംഘനൃത്തം, അഭിനയ ഗാനം, ഫാഷൻ ഷോ, നാടൻ പാട്ട്, പ്രച്ഛന്നവേഷം തുടങ്ങി വിവിധ ഇനങ്ങൾ കിഡ്സ് ഫെസ്റ്റിൽ അരങ്ങേറി. തുടർന്ന് തൃശൂർ ചോയ്സ് സംഘടിപ്പിച്ച ആൾ കേരള ടാലൻ്റ് പരീക്ഷയിൽ വിദ്യാലയത്തിലെ പ്രീപ്രൈമറിയിൽ നിന്ന് ഗോൾഡ്, സിൽവർ, വെങ്കല മെഡൽ നേടിയവരെ ആദരിച്ചു. ചേർപ്പ് ബിപിസി ഇൻചാർജ് ദിവ്യ ടീച്ചർ, ഹെഡ് മിസ്ട്രസ്സ് ലതിക വി.ഡി, പിടിഎ അംഗങ്ങളായ നിജി തോമസ്, ശാരി ചന്ദ്രൻ, ഉമ്മർ പി.എച്ച്, രഞ്ജിനി ടീച്ചർ,നിർമ്മല പി.പി, രാജി കെ.എ, ഗിഷ് വർഗീസ്, അബ്ദുൽ അഹദ്, പ്രിയ, മൃദുല , രേണുക ദേവി, ശീതൾ ഹരീഷ്, വിന്ദുജ, ഷൈന ,ആദികേശ് സി വി തുടങ്ങിയവർ ചടങ്ങിൽ സംബന്ധിച്ചു.
ചേർപ്പിൽ അങ്കണവാടി കിഡ്സ് ഫെസ്റ്റ് സംഘടിപ്പിച്ചു.
