തൃപ്രയാർ: നാട്ടിക ഇയ്യാനി ഭഗവതി ക്ഷേത്രത്തിലെ ഉത്സവത്തോടനുബന്ധിച്ച് പൊങ്കാല സമർപ്പണവും ദ്രവ്യ കലശാഭിഷേകവും നടന്നു. രാവിലെ ഗണപതിഹവനം, ഉഷപൂജ, മുളപൂജ, വിശേഷാൽ പൂജകൾ, പൊങ്കാലയിടൽ, പൊങ്കാല സമർപ്പണം, പരികലശാഭിഷേകം, തുടർന്ന് 108 കലശത്തോടെ ദ്രവ്യകലശാഭിഷേകവും നടന്നു. ഉച്ചക്ക് ശ്രീഭൂതബലി, ഉച്ചപൂജ എന്നിവ നടന്നു. ഗുരുപദം ആശ്രമത്തിലെ ഡോ. ഒ.വി ഷിബു, ഡോ.വിവേക്, വിനോദ് ശാന്തി, ക്ഷേത്രം മേൽശാന്തി എൻ.എസ് ജോഷി എന്നിവർ മുഖ്യകാർമ്മികരായി. ക്ഷേത്രം രക്ഷാധികാരികളായ ഇ.എൻ.കെ തിലകൻ, ഡോ.ഐ.ബി. സുരേഷ് ബാബു, ഇ.കെ. ജയതിലകൻ, ഇ.കെ. രാമകൃഷ്ണൻ, ക്ഷേത്രം പ്രസിഡണ്ട് ഇ.കെ സുരേഷ്, സെക്രട്ടറി സുരേഷ് ഇയ്യാനി, ട്രഷറർ ഇ.എൻ.ടി സ്നിതീഷ്, ഭാരവാഹികളായ ഐ.ആർ. രാജു, പ്രദീപ്കുമാർ ഇ.എൻ എന്നിവർ ചടങ്ങുകൾക്ക് നേതൃത്വം നൽകി. ഫെബ്രുവരി 7 നാണ് ഉത്സവം.ഉത്സവ ദിവസം രാവിലെ മഹാഗണപതിഹവനം, ശീവേലി എഴുന്നള്ളിപ്പ്, വൈകീട്ട് 3 ഗജവീരൻമാരോടു കൂടി കാഴ്ച്ച ശീവേലി, ദീപാരാധന, വർണ്ണമഴ, ഫെബ്രുവരി 8 ആറാട്ടോടുകൂടി ക്ഷേത്ര മഹോത്സവത്തിന് കൊടിയിറങ്ങും.
നാട്ടിക ഇയ്യാനി ഭഗവതി ക്ഷേത്രത്തിൽ പൊങ്കാല സമർപ്പണം.
