ഗുരുവായൂർ: രോഗിയുമായി പോയ ആംബുലൻസും സ്കൂട്ടറും കൂട്ടിയിടിച്ച് സ്കൂട്ടർ യാത്രക്കാരി മരിച്ചു. മുണ്ടൂർ കോഴിശേരി ലക്ഷ്മിയാണ് (48) മരിച്ചത്. ബുധനാഴ്ച വൈകീട്ട് 6.30ന് മാവിൻചുവടിലായിരുന്നു അപകടം. മമ്മിയൂർ ക്ഷേത്ര ദർശനത്തിനായി പോകവേയാണ് ലക്ഷ്മി അപകടത്തിൽപെട്ടത്. മെഡിക്കൽ കോളജിലേക്ക് പോവുകയായിരുന്നു ആംബുലൻസ്. പരിക്കേറ്റ ലക്ഷ്മിയെ ഗുരുവായൂർ ആക്ട്സ് പ്രവർത്തകർ കുന്നംകുളത്തെ ആശുപത്രിയിൽ എത്തിച്ചെങ്കിലും രാത്രി പത്തോടെ മരിച്ചു. അപകടത്തിൽപെട്ട ആംബുലൻസിലെ രോഗിയെ മറ്റൊരു ആംബുലൻസിൽ ആശുപത്രിയിലെത്തിച്ചു. ലക്ഷ്മിയുടെ മക്കൾ: പ്രവീൺ, പ്രിയ. മരുമകൻ: ജിത്തു.
ആംബുലൻസ് ഇടിച്ച് സ്കൂട്ടർ യാത്രക്കാരി മരിച്ചു
